Xa está aberto o prazo de reserva de entradas para o espectáculo “O lobo bobo” do próximo xoves 8 de outubro no salón de actos da Casa da Cultura (18.00h.). A obra infantil -dirixida a público familiar con rapazada a partir dos 3 anos- chega a Fene da man da compañía Elefante Elegante, dentro do ciclo de animación á lectura “Ler Conta Moito” promovido pola Rede de Bibliotecas Públicas de Galicia.
A entrada será gratuíta pero con asistencia limitada a un máximo de 20 persoas (10 crianzas e 10 adultas). Cómpre reservar sitio chamando á biblioteca de luns a venres entre as 16 e as 21.00h. ou os sábados de 10 a 13.00h.: 981 342 302 / 607 625 346.
